فى ناس عمرنا ما هنسمع عنهم فى كتب التاريخ لانهم مش بيغيروا مجرى حياة الشعوب سواء بالسلب او بالايجاب بس الحقيقة ان فى ناس بتتمجد برضة بس مش فى ذاكرة التاريخ لا فى ذاكرة الناس اللى اتاثروا بيهم .احلى حاجة فى الناس دية ان مفيش حد هيختلف عليهم او يشكك فى صدقهم مع نفسهم او مع غيرهم لان تاثيرهم بيبقى مع ناس محددة و بطريقة شخصية . كل واحد فينا عنده شخصية او اكتر من اللى بتكلم عليهم دول اللى ساعات بنسميهم قدوتنا او مثلنا الاعلى او اللى بيغيرلنا حياتنا 180 درجة بمجرد تواجدة فى حياتنا و يمكن من غير نية مبيتة لان الناس ديه احنا اللى بنخترها مش هما اللى بيختارونا .
واحد من الناس الجميلة دية قال جملة مع ان معناها بسيط و يمكن بديهى الا انها هزتنى قووووى و خلت عنيا تلمع كانى اكتشفت اكتشاف عظيم الجملة كانت " انا محدش يقدر ياذينى لان عمر ما حاجة هتاذينى الا لو علاقتى بربنا اتقطعت و محدش يقدر يقطع علاقتى بربى" .الشخص دة الدكتور اللى بيدرسلى و انا بعد الجملة دية سبت كل حاجة حتى الشرح اللى بيشرحوا و قعدت احلل الجملة و قلت صحيح مفيش بنى ادم يقدر ياذى بنى ادم تانى الا بأذن ربنا ...طيب لما كلة هيجى من ربنا و ربنا اصلا مش بياذى عبيدة يبقى اصلا مفيش اذية ممكن تجرالى و حتى الاحداث اللى بنشفها احنا مضرة او مؤلمة بيبقى وراها خير ..مهما كبرت او قويت او كان مداها طويل برضة اخرها خير حتى لو كان الخير دة هو ثواب صبرك على الازمة .
طب بما ان الموضوع طلع ابسط من البساطة كدة امال ليه احنا عايشين طول الوقت خايفين ....يا خايفين نسقط يا خايفين من النجاح ياخد مننا حاجات تانية ...خايفين نحب و خايفين منحبش...خايفين نموت و مش دايما حابين نعيش .ليه كل دة ما الحسبة سهلة كل بايد ربنا يبقى كلة خير . يبقى كلة اخره فى فرح و رضا . اصل فعلا هنحس ازاى بمعنى الفرحة من غير ما نكون عارفين طعم الحزن ...ما احنا مش بنموت الا اما نعيش .و فى الاخر برضة حتى لو خفنا فا اللى مكتوب هيحصل مفيش مفر.
شكرا لاستاذى على الجملة اللى مكنش قاصد يقولهالى بس خلتنى افكر فى حاجة تريحنى قووووى و تخلينى اعرف اعيش و استنى الفرج لما الدنيا تضيق عليا و انا متاكدة ان كله خييييييييييييييير.فى دعاء جميل قوووى لسه عارفاة قريب حاساة مرتبط بالى بقولة:
"هبني اللّهم الصبر والقدرة لأرضى بما ليس منه بد، وهبني اللّهم الشجاعة والقوة لأغير ما تقوى على تغييره يد، وهبني اللهم السداد والحكمة لأميز بين هذا وذاك"
جميل جداااا الدعاء دة خصوصا اخر جزء عشان هو الاساس و اخيرا الحمد لله الذى لا يحمد على مكروه سواه ...
واحد من الناس الجميلة دية قال جملة مع ان معناها بسيط و يمكن بديهى الا انها هزتنى قووووى و خلت عنيا تلمع كانى اكتشفت اكتشاف عظيم الجملة كانت " انا محدش يقدر ياذينى لان عمر ما حاجة هتاذينى الا لو علاقتى بربنا اتقطعت و محدش يقدر يقطع علاقتى بربى" .الشخص دة الدكتور اللى بيدرسلى و انا بعد الجملة دية سبت كل حاجة حتى الشرح اللى بيشرحوا و قعدت احلل الجملة و قلت صحيح مفيش بنى ادم يقدر ياذى بنى ادم تانى الا بأذن ربنا ...طيب لما كلة هيجى من ربنا و ربنا اصلا مش بياذى عبيدة يبقى اصلا مفيش اذية ممكن تجرالى و حتى الاحداث اللى بنشفها احنا مضرة او مؤلمة بيبقى وراها خير ..مهما كبرت او قويت او كان مداها طويل برضة اخرها خير حتى لو كان الخير دة هو ثواب صبرك على الازمة .
طب بما ان الموضوع طلع ابسط من البساطة كدة امال ليه احنا عايشين طول الوقت خايفين ....يا خايفين نسقط يا خايفين من النجاح ياخد مننا حاجات تانية ...خايفين نحب و خايفين منحبش...خايفين نموت و مش دايما حابين نعيش .ليه كل دة ما الحسبة سهلة كل بايد ربنا يبقى كلة خير . يبقى كلة اخره فى فرح و رضا . اصل فعلا هنحس ازاى بمعنى الفرحة من غير ما نكون عارفين طعم الحزن ...ما احنا مش بنموت الا اما نعيش .و فى الاخر برضة حتى لو خفنا فا اللى مكتوب هيحصل مفيش مفر.
شكرا لاستاذى على الجملة اللى مكنش قاصد يقولهالى بس خلتنى افكر فى حاجة تريحنى قووووى و تخلينى اعرف اعيش و استنى الفرج لما الدنيا تضيق عليا و انا متاكدة ان كله خييييييييييييييير.فى دعاء جميل قوووى لسه عارفاة قريب حاساة مرتبط بالى بقولة:
"هبني اللّهم الصبر والقدرة لأرضى بما ليس منه بد، وهبني اللّهم الشجاعة والقوة لأغير ما تقوى على تغييره يد، وهبني اللهم السداد والحكمة لأميز بين هذا وذاك"
جميل جداااا الدعاء دة خصوصا اخر جزء عشان هو الاساس و اخيرا الحمد لله الذى لا يحمد على مكروه سواه ...
هناك تعليق واحد:
انا بختلف مع حكاية المثل الاعلى دى : لا يوجد شخص مثل اعلى اعلى .. و لكن ربما مواقف بعض الاشخاص و ارائهم و تصرفاتهم تكون قدوه لنا.
الجمله التى قالها الدكتور تمثل نقطه فلسفيه و دينيه عميقه: هل الايمان و الاقتراب من الله يمنع الأذى ..ز ام ان المؤمن مصاب ؟ و لماذا يسمح الله باصابة المؤمن بضررفى حياته. فقد يمرض مرضا عضالا او يفقد اعز احبائه او يكون فقيرا.. و قد يعيش غير المؤمن او الانسان البعيد عن الله حيهه سعيده رغده ؟ و الاجابه فى رأيى تتلخص فى " و لا يكلف الله نفسا الا وسعها " . فقدرة الانسان تختلف و احتماله ايضا . و الله سيحاسب الانسان بهذا المقدار مقدرا الظروف و البيئه و القدره النفسيه له. و لا تنس فى النهايه ان الحياه رحله .. النجاح و الفشل و المصاعب و و حتى الحياه الرغده هى مجرد اختبارات لمعرفة كيفية التصرف فيها. هل سيصبر الفقير و يتمسك بالله و هل سيشكر الغنى ربه و يقوم بعمل الخير مثلا ؟؟ الفقر و الغنى ، المرض و الصحه - مثلا - هما اختباران و ليسا مكافأه او عقاب الهى
إرسال تعليق